Rubén Fernández é o novo Campión Galego Xuvenil

Rubén Campión Galego Sub18

Comparte esta entrada

Share on facebook
Share on twitter
Share on whatsapp
Share on linkedin
Share on pinterest
Share on email

Rubén Fernández é o novo Campión Galego Xuvenil.


No 2019, Rubén, vigués, e unha das xoias do Escola Xadrez Pontevedra-Universidade de Vigo, foi, Campión Galego, Campión Nacional e medalla de bronce no Campionato do Mundo, na categoría Sub14. Agora, unhas semanas despois do seu 15 aniversario, expande o seu reinado á categoría Sub18. Rubén é o máximo expoñente do xadrez de base galego, e vai camiño de ser o xadrecista con máis títulos autonómicos na historia galega.


Os Campionatos Galegos Sub 14 e Sub 18 tiveron lugar en Padrón, A Coruña, do 22 ao 25 de febreiro.


Na categoría Sub18, Rubén dominou de principio a fin. Invicto, con 6 vitorias e 2 empates, sumou un total de 7 puntos, 1 máis co segundo clasificado, Óscar Morales, do Xadrez Mos, e 1,5 máis co terceiro, Andrés Rodríguez, do Xadrez Fontecarmoa. Ambos xogadores foron derrotados polo Campión.


Bos resultados para o resto da delegación da Escola Xadrez Pontevedra – Universidade de Vigo. No Sub 18, Juan Manuel Martínez rematou 7º con 5 puntos, e Luís Alonso 21º con 4.

Na categoría Sub 14, Miguel Alonso sumou 5,5 puntos que lle deron a 8ª praza, Javier Caudet 13º con 5 e Óscar Baltar 42º con 3,5.

Toda a información e imaxes dos campionatos na páxina da Federación Galega de Xadrez www.fegaxa.org

Clasificacións completas nos seguintes enlaces:
SUB 18 
SUB14